Эрүүл мэндийн салбарт 2026 онд улсын төсөв болон гадаад санхүүжилтээр нийт 1.3 их наяд төгрөгийн хөрөнгө оруулалт хийнэ

2026 онд эрүүл мэндийн салбарт улсын төсөв болон гадаад санхүүжилтээр нийт 1.3 их наяд төгрөгийн хөрөнгө оруулалт хийнэ. Үүнд үндсэн дөрвөн том төсөл багтсан:

1. Зүрх судасны үндэсний төв – 120 ортой шинэ эмнэлэг

Санхүүжилт:

• Европын сэргээн босголт, хөгжлийн банк (ЕБРР) – 34.9 сая ам.долларын зээл

• Люксембургийн Их гүнт улсын буцалтгүй тусламж – 22.5 сая евро (~26.4 сая ам.доллар)

Үндсэн мэдээлэл:

• Улсын гуравдугаар төв эмнэлгийн дэргэд баригдана

• 8 давхар, 120 ортой

• 2019–2020 онд зураг төсөл нь хийгдэж хүлээлгэн өгсөн

• Хэрэгжсэнээр:

  • Зүрх судасны өвчлөлийн нас баралт буурна

  • Шинэ технологи нэвтэрнэ

  • Сургалт, судалгааны цогц төвтэй болно

  • Тусламж үйлчилгээний хүртээмж хоёр дахин нэмэгдэнэ

2. Хавдрын шинэ эмнэлэг – 614 ор, олон улсын стандартын төв

Санхүүжилт:

• 2026 оны улсын төсөвт 40.5 тэрбум төгрөг туссан

• Нийт хэрэгцээт санхүүжилт: 230 сая ам.доллар (БНСУ-ын Эксим банкаар шийдвэрлүүлэхээр ажиллаж байна)

• Нийт өртөг: 450–500 тэрбум төгрөг

Байршил:Улаанбаатар, Сонгинохайрхан дүүрэг, 34-р хороо, Баянголын ам (12 га газар)

Бүтээн байгуулалт:

• A, C блокийн барилга

• Гадна шугам сүлжээ

• Мэс засал, туяа эмчилгээ, эрчимт эмчилгээ, оношилгоо, нөхөн сэргээх төв

• 614 ор, 1500 хүртэл ажилтан ажиллах хүчин чадал

• Цацраг, туяа эмчилгээний олон улсын стандартад нийцсэн хана, хамгаалалтын бүтэцтэй

Нэмэлт тайлбар:Одоогийн ХСҮТ нь 1981 онд баригдсан, хүчин чадал хүрэхгүй байгаа тул олон жил яригдсан шинэ эмнэлгийн ажил бодитоор эхэлж буй.

3. ХӨСҮТ-2 шинэ төв – Төв аймаг, Сэргэлэн сум

Санхүүжилт:

• 2026 оны төсөвт: 6.3 тэрбум төгрөг

• Нийт шаардлагатай санхүүжилт: 263.7 тэрбум төгрөг

Үндсэн мэдээлэл:

• 20 га талбайд төвлөрсөн иж бүрэн халдварт өвчин судлалын төв

• 2025 онд дэд бүтцийн ажлууд эхэлсэн

• ТЭЗҮ, зураг төсөл 2022 онд хийгдсэн

• Анхны төлөвлөгөөгөөр 2026 онд ашиглалтад орох ёстой байсан ч санхүүжилт шийдэгдээгүйгээс хугацаа хойшилсон

4. Эс эд эрхтэн шилжүүлэн суулгах үндэсний төв

Санхүүжилт:

• 2026 оны улсын төсөвт: 43.1 тэрбум төгрөг

• ЭХЭМҮТ-д технологийн шинэчлэл, боловсон хүчин бэлтгэхэд: 9.3 тэрбум төгрөг

• Төслийн нийт өртөг: 140 тэрбум төгрөг

Байршил:Улсын нэгдүгээр төв эмнэлгийн дэргэд баригдана

Үр дүн:

• Элэг, бөөр шилжүүлэн суулгах хүлээгдлийг 20–25% бууруулна

• Хүүхдийн эрхтэн шилжүүлэн суулгах мэс заслыг дотооддоо тогтмол хийх боломж бүрдэнэ

• Шинэ технологи, шинэ мэргэжилтнүүд бэлтгэгдэнэ

2026 онд эрүүл мэндийн салбарт нийт 1.3 их наяд төгрөгийн хөрөнгө оруулалт төлөвлөгдөж, салбарын хүртээмж, хүчин чадал, тоног төхөөрөмжийн шинэчлэл огцом дээшлэх жил байх нь.