"Physical Asia" шоуны Австралийн багийн оролцогч Эдди Монголд иржээ

"Physical Asia" шоуны Австралийн багийн оролцогч Эдди Жо Уильямс Монголд иржээ. Саяхан тэдний багийн гишүүн Дом Томато мөн манай улсад зочлоод буцсан билээ. 

Эдди Жо Уильямс бол Австралийн Аделайд хотод амьдардаг, Самоа гаралтай тамирчин юм. Тэр Австралийн Хамгийн хүчтэй эр цолыг 2017, 2018 онд хоёр удаа хүртсэн бөгөөд дэлхийн хүчтэнүүдийн тэмцээнд тогтмол оролцдог. Том биетэй, өндөр жинтэй ч бусдад урам зориг өгөхийг хүсдэг, даруухан, эелдэг зангаараа танигдсан хүн. Тэрбээр өмнө нь дуучин, жүжигчин хийдэг байсан ба хурим, арга хэмжээн дээр дуулдаг байжээ.