Албан өрөөндөө архидан согтуурсан төрийн алба хаагчдыг ажлаас нь чөлөөлжээ

Өчигдөр буюу энэ сарын 18-ны өдрийн орой Хөдөлмөр, халамжийн үйлчилгээний ерөнхий газрын албан хаагчид ажлын өрөөндөө архидан согтуурч буй видео бичлэг цахим сүлжээнд цацагдсан. Тэдгээр алба хаагчдыг төрийн албан хаагчийн ёс зүйн тухай хуулийн 7.1.4 дэх заалт, ХХҮЕГ-ын "Хөдөлмөрийн дотоод журам"-ын 12.3.13. дахь заалтыг тус тус ноцтойгоор зөрчсөн гэж үзэн хариуцлага хүлээлгэж, үүрэгт ажлаас нь чөлөөлсөн байна.