Сурагчдын хоёрдугаар улирлын амралт дөрөвдүгээр сарын 6-ны Даваа гаригаас эхэлнэ

Боловсролын сайдын баталсан 2025–2026 оны хичээлийн жилийн бүтцийн дагуу ерөнхий боловсролын сургуулийн сурагчдын хоёрдугаар улирлын амралтын тов албан ёсоор тодорхой болжээ. Энэхүү зохицуулалт нь нийслэл болон орон нутгийн бүх ерөнхий боловсролын сургуулиудад нэгэн адил мөрдөгдөх юм. Хичээлийн жилийн бүтцийн дагуу бага ангийн сурагчид нийт 34 долоо хоног, дунд ангийн сурагчид 35 долоо хоног, ахлах ангийн сурагчид 36 долоо хоногийн хугацаанд хичээллэнэ.

Мөн гуравдугаар сарын 30-наас дөрөвдүгээр сарын 3-ныг дуустал сурагчид бие даан суралцах долоо хоногт хамрагдах хуваарьтай байна.

Харин хоёрдугаар улирлын албан ёсны амралт дөрөвдүгээр сарын 6-ны Даваа гаригаас эхэлж, дөрөвдүгээр сарын 10-ны Баасан гариг хүртэл нэг долоо хоног үргэлжилнэ.